Na Jaane Kyu Itna Khoya Hoon Mai

nikal kar kahi dur jane ka jazba tha man me,

nikal kar kahi dur a gaya hu mai,

khusiya batorne niklta tha ghar se,

na jane ab kyu itna khoya sa hu mai,

kisi manzil ko paane ki chahat thi mujme,

to kai aag ka dariya paar kiya tha maine,

josh tha dil me kuch kar guzarne ka,

fir bhi na jane kyu itna khoya sa hu mai.

kitne sapne the un ankho me,

kitni aarzu thi us joshile dil me,

hawa ko bhed kar age tha bdhta,

fir bhi ab na jane kyu itna khoya sa hu mai.

kai dost the kandhe se kandhe milane ko,

kai dost me musibat me ssath nibhane ko,

na jaane kab unse bichad kar tanha hua mai,

na jane ab kyu itna khoya sa hu mai.

aarzu kuch paane ki ab kahi ho gayi,

umag asman ko chu jane ki ab kahi kho gayi,

paya kuch nahi bas khoya hu mai,

na jane kyu itna khoya sa hu mai,

apni jindagi ki disha bhul chuka hu mai,

kabi idhar to kabi udhar bhatkta hu mai,

na jaane kitni raato se ab nai soya hu mai,

na jaane kyu ab itna khoya hu mai.

na ab koi dost kandha milane ko,

na ab koi sapne mazil tak jaane ko,

apne dil ko bhi ab khoya hu mai,

na jane kyu ab itna khoya hu mai.

fir udna hai kisi roz usi aasman me,

honge sab yaar apne firse saath me,

ab ayega firse ek naya savera,

bas ab inhi umeedo ki soch me khoya hu mai.